"Amazon"-ын захирал Жефф Бэзосын шинэ ажилтандаа тавьдаг гурван шаардлага
Өнгөрсөн 24 жилийн хугацаанд Жефф Безос (Jeff Bezos) "Amazon"-ыг ном зардаг энгийн онлайн дэлгүүрээс АНУ-ын хамгийн шилдэг компаниудын нэг болгож чадсан билээ. Безосын гол нууц нь тэрээр ажилчдаасаа маш их зүйлийг хүлээж, итгэж найддагт оршдог аж.
"Би ажилд орохоор ирсэн хүмүүст "Чи өөр компанид өдөржин, шаргуу эсвэл ухаалаг ажиллаж болно. Гэхдээ "Amazon"-д чи эдгээр гурван зүйлийн аль нэгийг хийхгүй. Гурвууланг нь сонгох шаардлагатай болно" хэмээн хэлдэг" гэж Бэзос хувьцаа эзэмшигч нарт хэлж байжээ.
Тиймээс ч "Amazon"-ы ажилчид шөнө орой хүртэл сунаж ажиллаж, ачааллаа дийлэхгүй үедээ ширээн дээрээ уйлан суудаг бөгөөд хамтран ажиллагсдынхаа дэвшүүлсэн санааг шүүмжлэх ёстой байдаг талаар "The New York Times" 2015 онд мэдээлж байсан.
"Энд ажиллах мэдээж амаргүй. Гэвч бид ямар нэг чухал зүйлийг, хэрэглэгчдэд хэрэгтэй зүйлийг, үр хойч, ач зээдээ бахархан хэлж суух зүйлийг бүтээхээр ажиллаж байна шүү дээ. Тийм зүйлс амар хялбар аргаар бүтдэггүй юм. "Amazon.com"-ын төлөө бүх амьдралаа зориулж буй энэ баг бүрэлдэхүүнтэй байгаа маань үнэхээр том аз завшаан юм" хэмээн Жефф Бэзос хэлж байжээ.