Он гарсаар улсын хэмжээнд 34200 бүртгэлтэй ажилгүй иргэн байна
Хөдөлмөр эрхлэлтийн байгууллагад ажил хайж бүртгүүлсэн иргэд 2018 оны 3 дугаар сарын эцэст 34.2 мянга болсны, 23.1 (67.6%) мянга нь бүртгэлтэй ажилгүй иргэд, 11.1 (32.4%) мянга нь ажилтай боловч өөр ажил хайж байгаа иргэд байна.
Нийт бүртгэлтэй ажилгүй иргэд өмнөх оны мөн үеэс 11.3 (32.8%) мянган хүнээр, өмнөх сараас 1.5 (5.9%) мянган хүнээр буурч, 23.1 мянга болсны 12.1 (52.5%) мянга нь эмэгтэйчүүд эзэлжээ.
Бүртгэлтэй ажилгүй иргэдийн 7.5 (32.4%) мянга нь Улаанбаатарт, 4.7 (20.5%) мянга нь Баруун бүсэд, 4.6 (19.7%) мянга нь Төвийн бүсэд, 3.6 (15.5%) мянга нь Хангайн бүсэд, 2.7 (11.9%) мянга нь Зүүн бүсэд ногдож байна. Улсын хэмжээнд бүртгэлтэй ажилгүй иргэдийн 414 (1.8%) нь хөгжлийн бэрхшээлтэй иргэд байгаа ба тэдгээрийн 207 (50.0%) нь эмэгтэйчүүд юм.
1 Бүртгэлтэй ажилгүй иргэд, хөгжлийн бэрхшээл болон бүсээр, 2018 оны 3 дугаар сарын эцэст, дүнд эзлэх хувиар
Аймаг, нийслэлийн хөдөлмөр эрхлэлтийн байгууллагад 2018 оны эхний улиралд ажилгүй 18.1 мянган иргэн шинээр бүртгүүлж, бүртгэлтэй байсан 3.0 мянган иргэн ажилд зуучлагдан орж, 17.4 мянган иргэн ажил идэвхтэй хайхгүй байгаа шалтгаанаар бүртгэлээс хасагджээ.
2 Хөдөлмөр эрхлэлтийн байгууллагад шинээр бүртгүүлсэн, ажилд зуучлагдан орсон иргэд, сараар
Өмнөх оны мөн үеэс шинээр бүртгүүлсэн ажилгүй иргэд 0.7 (3.6%) мянган хүнээр буурч, ажил идэвхтэй хайхгүй байгаа шалтгаанаар бүртгэлээс хасагдсан иргэд 1.2 (7.6%) мянган хүнээр, ажилд зуучлагдан орсон иргэд 0.4 (15.4%) мянган хүнээр өссөн үзүүлттэй байна.
Шинээр бүртгүүлсэн ажилгүй иргэдийн хувьд ажил хайж буй шалтгаанаар нь задлан харахад хамгийн өндөр хувийг ажлаас чөлөөлөгдсөн болон халагдсан иргэд буюу 46.4 хувь нь, хамгийн бага хувийг хөдөлмөрийн насанд хүрч асрамжийн газраас гарсан иргэд буюу 0.1 хувь нь эзэлж байгаа аж.
3 Хөдөлмөр эрхлэлтийн байгууллагад шинээр бүртгүүлсэн ажилгүй иргэд, ажил хайж буй шалтгаанаар, дүнд эзлэх хувиар, 2018 оны 3 дугаар сарын байдлаар
2018 оны 3 дугаар сарын эцэст бүртгэлтэй ажилгүй иргэдийн 44.3 хувийг бүрэн дунд, 31.0 хувийг дипломын болон бакалаврын дээд, 8.9 хувийг техникийн болон мэргэжлийн, 6.0 хувийг тусгай мэргэжлийн дунд, 5.5 хувийг суурь, 2.0 хувийг бага, 1.3 хувийг магистр, доктор, 1.0 хувийг боловсролгүй иргэд эзэлж байна.
4 Бүртгэлтэй ажилгүй иргэд, боловсролын түвшнээр, 2018 оны 3 дугаар сарын эцэст, дүнд эзлэх хувиар
Мөн улсын хэмжээнд бүртгэлтэй ажилгүй иргэдийн 58.3 хувийг 15-34 насны залуучууд эзэлж, энэ үзүүлэлт Өмнөговь, Ховд, Говьсүмбэр, Өвөрхангай, Хөвсгөл, Говь-Алтай, Орхон, Архангай, Сэлэнгэ, Төв, Дорнод, Дорноговь аймгуудад улсын дунджаас 1.8-21.4 пунктээр илүү байна.
Ажил хайгч иргэн: Ажилгүй эсхүл ажилтай боловч ажлын нөхцөлөө сайжруулах, нэмэлт орлого олох зорилгоор ажил хайж байгаа иргэнийг ойлгоно.
Бүртгэлтэй ажилгүй иргэд: Монгол Улсын хуулиар зөвшөөрөгдсөн хөдөлмөрлөх насны, хөдөлмөр эрхлэх чадвартай, цалин хөлстэй ажил болон хувиараа хөдөлмөр эрхэлдэггүй, тухайн үед ажиллахад бэлэн, цалин хөлстэй ажил идэвхтэй хайж байгаа хөдөлмөр, халамжийн үйлчилгээний хэлтэс, хөдөлмөрийн төв бирж, хөдөлмөрийн хувийн биржид бүртгүүлсэн ажилгүй иргэдийг хамруулна.