Монгол Улс руу заавал аялах 5 шалтгаан
Газарзүйн хувьд эрс тэс уур амьсгалтай амьдралын хэв маягийг Монголоос өөр ямар ч газар харж чадахгүй. Би хүүхэд байхдаа Монгол улс бол нилээд ширүүн уур амьсгал, үзэсгэлэнт байгаль, шөнийн тэнгэр нь одоор дүүрсэн орон гэж боддог байлаа.
Өдрийн өнгө
Нар дээр хөөрч байгалийн үзэсгэлэн харагдах мөчид зэрлэг араатнуудын тухай ардын дуу, нүүдэлчдийн сайхан аялгуунууд нь нүдний өмнө харагдах болно.
Өнгөрсөн намар Монголд хийсэн аялал маань хамгийн дурсамжтай аялал болон үлдсэн. Энэхүү алслагдсан орон зайд орон нутгийн аялах товчооноос илүү үзэх байгаль нь дуусашгүй байсан билээ. Хэрвээ та Монгол руу аялах төлөвлөгөөгөө гаргаагүй байгаа бол тус улсад очих дараах 5 шалтгаан бий гэдгийг хэлэх гэсэн юм.
Үүнд:
1 Хөдөө талын байгалийн дүр төрх
Монгол улсын алслагдсан газар
Дэлхийн хамгийн бага хүн амын нягтралтай улсын нэг нь Монгол юм. Энэхүү улс нь 3 сая гаруй хүн амтай ч 5 хүн тутмын 2 нь хөдөө орон нутагт амьдардаг. Жишээлбэл, Улаанбаатар хотын зүүн зүгт орших Горхи-Тэрэлж байгалийн үзэсгэлэнт газар нь амрахад нэн тохиромжтой. Монголд аялж зугаалахаар ирсэн жуулчдынх ихэнх нь энэхүү байгалийн дурсгалт газар луу ирдэг. Очиж амрахад янз бүрийн гэр болон амрах баазуудтай танилцаж, өдөрт анхилуун нарс уулыг даган явж, мал сүргийг харах боломжтой юм. Мөн энэ сайхан байгальд таван хошуу мал тархан идээшдэг.
Та энэхүү газрыг Сингапурын хүн ам шигүү суурьшсан, бүр олон тооны хөгжсөн хотуудаас олж болох тийм газар биш гэдгийг ойлгоорой. Тус газарт цэвэр агаар гэж анхилам үнэртэй адил сайхан байсан.
2 Эртний иргэншил ба эртний түүх
Эрдэнэзуу хийд
Чингис хаан, түүний хүү, ач хөвгүүд 13-р зууны үед ОХУ, Хятад, Солонгос, Зүүн өмнөд Ази, Перс, Энэтхэг, Ойрхи Дорнод, Ойрхи Европыг эзлэн авсан байна.
Эртний Хархорум бол Монголын хамгийн анхны нийслэл байсан бөгөөд 14-р зууны сүүлчээр Хятадын цэргүүд нурааж байсан удаатай. Дараагаар нь Эрдэнэзуу хийдийг босгохын тулд Хархорум хотын туурийн чулууг ашигласан байдаг. Эрдэнэзуу сүм хийд нь 400Х400 метр талбайг эзэлдэг.
3 Зэрлэг адуу
Хустайн нурууны байгалийн цогцолборт газар дахь Тахь
Монгол бол зэрлэг ан амьтдын өргөн цар хүрээтэй нутаг юм. 40 жилийн турш устаж алга болсны дараа эх нутагтаа ирсэн тахийг та зурагнаас харж байна. Тахь нь Хэнтийн нурууны өмнөд хэсгээр тархан идээшилдэг. Одоогийн байдлаар 300 ийм зэрлэг адуу эх орондоо амьдарч байна.
Мөн тус улсад ганцхан зэрлэг адуу гэлтгүй бөхөн, тэмээ, хавтгай зэрэг байдаг бөгөөд Монголд баавгай, ховордсон цоохор ирвэсүүд ч амьдардаг. Түүнчлэн нутгийн хойд хэсгээр цаа бугыг хөл дүүжлэх унаа болгон ашиглаж, өөрсдийн өвөрмөц соёлыг үр хойчдоо өвлүүлэн амьдардаг талаар харж болно.
4 Говь
Говь нутгийн Хонгорын элс
Монголын говь нь Дэлхийн дөрөв дэх том цөлийн бүсэд оршдог. Хонгорын элс нь Өмнөговь аймгийн бүх нутгийн 3 орчим хувийг эзэлдэг элсэн нуруу, манхан, тармаг элс юм. Энэхүү элс рүү авирахын тулд гуталгүйгээр гарсан ч болно. Яагаад гэвэл дулаахан, хөлөнд ямар нэгэн зовиур үүсгэхгүй билээ.
Элсэн манхан нь ёроолоосоо дээд оргил хүртэл цавчим өндөр бөгөөд салхитай үед янз бүрийн хөгжим эгшиглэх мэт дуу авиа гардаг. Үүний тод жишээ нь Хонгорын элсний Дуут манхан юм. Энэ нь салхинд элсний маш нарийн ширхэгүүд хийсч сарнин цахилгаанжаад түүний эерэг сөрөг цахилгаан цэнэг үрэлдсэнээс ийнхүү чимээ гардаг байна. Ийм сайхан байгаль хэзээ ч дахин давтагдашгүй.
Түүнчлэн Монголын Баянзаг гэх буюу "Асаж буй толгод" гэсэн нэрээр дэлхийд алдартай газраас 1922 онд үлэг гүрвэлийн олдворууд болон орчин үеийн түүхэн дэх үлэг гүрвэлийн анхны өндөг олдсон ажээ.
5 Монгол хүн зочломтгой зантай
Сүүтэй цай чанаж байна
Улаанбаатараас бид аян замд гарахдаа Өвөрхангай аймгийн Орхон голын хөндийд байрлах ЮНЕСКО-гийн дэлхийн өвийн дурсгалт газар болох Улаан цутгалан руу явсан юм. Энэ нь Улаанбаатарын алдартай хүрхрээнүүдийн нэг билээ. Хүрхрээ рүү аялж, амрах хугацаандаа нүүдэлчин амьдралын соёлоос маш их зүйлийг сурч мэдэж авсан бөгөөд энэ талаар найз нөхөддөө байнга ярьдаг болсон.
Аяллынхаа явцад нэгэн Монгол айлд зочилсон нь Эрээнийх юм. Түүний гэргийг Ганаа гэдэг. Эрээн нийслэл, нутаг хоёрынхоо хооронд ачаа ачдаг учир түүний гэргий зун, намрын улиралд ганцаараа байдаг байна. Тэднийх 1000 орчим үхэртэй. Манай багийн бүрэлдэхүүн болох жолооч, хөтөч бид бүгдэд зочломтгой зангаараа гар хийцийн янз бүрийн аргаар хийсэн цагаан идээгээ өгсөн.
Би эдгээр цагаан идээн дундаас айрагны амтанд орсон юм. Айргыг хийхийн тулд тэд орой болохоор гүүгээ сааж, өглөө айргаа уудаг байсан.
Эрээн болон түүний эхнэрт гүү саахад нь туслав
Миний бас нэгэн дуртай зүйл Ганаагийн хөөрүүлсэн сүү, өрөм байв. Би үүнийг талхан дээр тавин иддэг байсан юм.
Түүнчлэн надад Монголчууд найрсаг сайхан хүмүүс байсан ч хэлний бэрхшээл асуудал болж байсан. Гэхдээ энэ удаа би туршлагатай, найдвартай хөтөчтэй агентлаг сонгосон юм. Тус агентлаг нь Монголын бүх нутаг дэвсгэрийг хамарсан орон нутгийн тусгай хөтөч, жолооч нарын хамт олонтой бөгөөд "Мөрөөдлийн Монгол" нэртэй юм.
Ингээд та бүхэн аяллын төлөвлөгөөгөө гаргаагүй байгаа бол Монгол руу заавал аялах 5 шалтгааныг эндээс харж байгаад сонголтоо хийгээрэй гэж зөвлөе.
