40 мянган төгрөгөөр 50 сая төгрөгийн “Эрүүл мэндийн хамгаалалт” авах боломжтой
Арваад жилийн өмнө манай компанид Чехээс 20 настай оюутан дадлага хийхээр ирсэн юм. Удалгүй өвөл ч болж байгууллагаараа цасны баярт явж, цана чаргаар гулгах болоход нөгөөх маань “Хэрвээ би цанаар гулгаж байгаад хөлөө гэмтээчихвэл, миний эрүүл мэндийн даатгал энд үйлчлэхгүй…” гэж хэлээд татгалзаж билээ.
Би тэгэхэд нас залуу хүн гэхэд эрсдэлийн талаар тийм өндөр ухамсартай байгааг нь, Чех Монголтой л адилхан социалист орон байсан гэхэд иргэд нь бүгд даатгалд хамрагдсаныг мэдэрч ихэд гайхаж билээ.
Саяхан нэгэн танил маань хорт хавдар хэмээх аймшигт өвчнөөр өвдөж, бидний хэдэн найзууд нийлж, мөнгө цуглуулж өгөв. Орой нь харих замдаа “Хэрэв бид Англид байсан бол ингэж мөнгө цуглуулах байсан болов уу?” гэж өөрийн эрхгүй бодсон юм.
Бид өдөр бүр телевиз, радио, сонин, фэйсбүүк гээд мэдээлэл авч байгаа бүхий л хэрэгслээсээ эмчилгээний төлбөр цуглуулах хандивын аян, уриалга харсаар нэгэнт дасал болчихжээ. Хэрвээ бид Монголд биш Англид байсан бол найздаа эмчилгээний төлбөр цуглуулж өгөх биш харин баглаа цэцэг л өгөх байсан юм.
Яагаад?
Яагаад гэвэл Англид хүн өвдөхөд эрүүл мэндийн даатгалын систем нь ажиллаж эмчилгээний төлбөрийг нь төлдөг учраас. Харин манайд үгүй. Хэдэн жилийн өмнө би Хонг-Конгд, олон жил хамтран ажилласан найз Томтойгоо уулзсан юм. Том бол олон тэрбум долларын хөрөнгө оруулалтын санг удирдан ажиллаж ирсэн туршлагатай банкир, хөрөнгө оруулагч хүн.
Би Томоос “Чи ямар ямар даатгалд хамрагдсан бэ?” гэхэд “Хорт хавдрын хамгийн сайн эмчилгээ жилийн 300 мянган доллар болдог учраас би өөртөө болон эхнэр хүүхдүүдээ тус бүр нь 1.5 сая долларын эрүүл мэндийн даатгалд хамруулсан. Мөн хүүхдүүдээ 18 нас хүртэл нь өөр дээрээ амь насны даатгал хийлгэсэн” гэж хариулсан юм.
Би хариуд нь чи их мөнгөтэй, чинээлэг хүн байж заавал даатгал хийлгэх шаардлага байсан уу? гэж асуухад тэрбээр инээж:
“Ганзо, бизнесмэн хүнд заавал байх ёстой, хамгийн чухал зүйл бол даатгал юм. Учир нь бизнесмэн хүн өвдөхөд бизнес нь зогсдог. Асуудал гарна. Аягүй л бол буруу менежментээс болж бизнес чинь унаж ч мэднэ. Тэгээд ч эмчилгээндээ хураасан мөнгөө зориулна. Эцэст нь эхнэр хүүхэд чинь мөнгө ч үгүй, хүн ч үгүй л үлдэнэ шүү дээ…” гэж нарийвчлан тайлбарласан юм.
Манай олон бизнесмэн, компанийн захирлууд ямар ч даатгалгүй явж байдаг нь хэвийн л үзэгдэл. Хөрөнгө, эрүүл мэнд, амь нас нь даатгалгүй, ажилтнуудаа ч даатгаагүй л байдаг. Үүнээс болоод гэнэт зовлон бэрхшээл учрахад бизнес нь нурж, карьер нь үгүй болж, ар гэр нь хохирч үлдсэн олон тохиолдол бий.
Тийм ч учраас би бизнесмэн танд зориулсан энэ блогоороо дамжуулан, юуны өмнө заавал өөрийн болон гэр бүлийн гишүүдийнхээ эрүүл мэндийг даатгуулаарай. Тэгээд ажилтнуудынхаа эрүүл мэндийг бас даатгуулдаг юм шүү гэж захих гэсэн юм.
Бид сар бүр цалингаасаа эрүүл мэндийн даатгал төлдөг. Уг нь энэ төлбөрийн маань хариу, хүнд хэцүү үед зохих ёсоор ирдэг байсан бол бүх зүйл сайхан болчих гээд байгаа юм. Сарын 3 сая төгрөгийн цалинтай хэлтсийн захирал байна гэж үзвэл, жилдээ 1,440,000 төгрөгийг эрүүл мэндийн даатгалд төлнө.
Харамсалтай нь үр ашиггүй улсын системээс болоод хариуд нь жилд ердөө л 2,000,000 төгрөгний л нөхөн төлбөр авч чадна. Тэгээд энэ даатгал нь гадаадад болон Монголын дориун нэр хүндтэй, хувийн сайн эмнэлгүүдэд үйлчлэх нь бага. Бараг л байхгүй шахуу.
Харин хувийн даатгалын компаниудтай ярилцаж үзэхэд зарчмын хувьд өөр хамгаалалтыг санал болгодог.
Энэ удаад Мандал даатгал компанийн ЖАРГАЛАН эрүүл мэндийн даатгалын бүтээгдэхүүнийг онцлох хүсэлтэй байна. Жаргалан даатгалд сар бүр та 40,000 төгрөг төлөх бөгөөд хариуд нь нийтдээ 50,000,000 төгрөгний эрүүл мэндийн хамгаалалт авах эрхтэй юм байна. Дээрээс нь нэмээд хувийн өрөөнд хэвтэн эмчлүүлэх, жирэмслэлт болон төрөлттэй холбоотой нэмэлт үйлчилгээнүүд авахаас гадна Монгол Улсын хамгийн нэр хүндтэй Интермэд, Грандмед, Сонгдо зэрэг эмнэлгүүдэд бүрэн үйлчлүүлээд зогсохгүй, цаашлаад Солонгос, Хятад, Тайланд улсуудад хүртэл эмчилгээ хийлгэж болдог юм байна.
Эх сурвалж: ganzo.mn