Дорнын зурхай

Өнөөдөр аргын тооллын 2018 оны гуравдугаар сарын 10. Бямба гараг. Билгийн тооллын XVII жарны “Тийн унжлагат” хэмээх шороон нохой жилийн Хаврын тэргүүн хөх бар сарын шинийн 24. Санчир гараг.  Гар одтой, есөн улаан мэнгэтэй, цагаагчин үхэр өдөр. 

Барилдлага: Идэр 
Шүтэн барилдлага: Хүрэлцэхүй
Суудал: Уул

Өдрийн наран 7 цаг 16 минутад мандан, 18 цаг 46 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хишиг даллага дуудуулах, насан бүтээл хийлгэх, мал арилжих, гэр бүрэхэд сайн. Эрдэнийг гадагш өгөхөд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.

Өрнийн зурхай

ХОНЬ (3/21-4/19)

Өнөөдөр та аялах юм бол маш гэгээлэг уур амьсгал зонхилно. Хонины ордныхонд ямар нэг шинэ зүйлийг турших нь ёонирхолтой байна. Хайр дурлалын шинэ хамтрагчтай болох бололцоо бий болно. Мөн хэн нэгэн чамтай сээтэгнэх нь одоогийн чиний хайрласан хүнээс илүү дурламаар юм шиг санагдана. Болгоомжтой бай. Өнөөдөр од эрхэс танд үүнийг зориулсан боловч хожмын хор уршигийг та л хариуцана гэдгийг сана.

ҮХЭР (4/20-5/20

Эрсдэл байгаа тул хөрөнгө оруулалтын хэлбэр хайхын оронд бэлэн мөнгөө найдвартай хүүгийн ашиг олж чадах хугацаатай хадгаламжинд хий. Хамтран ажилладаг хүнтэйгээ маргалдсанаар урам хугарна. Нөхцөл байдлыг амжилттай зохицуулах авьяасаа ашиглаж шалихгүй зүйлсийг асуудал болохоос нь өмнө зогсоо. Аливаа нууц хүсэл сонирхол тань асуудлаас гаргах арга биш гэдгийг сана. Хүүхдүүдэд тавих анхаарал дутсанаас сэтгэл зовно. Хүүхдүүдийг эрхлүүлж, тэдэнтэй аль болох олон цагаар хамт бай.

ХАМТАТГАХ (5/21-6/21)

Шаргуу хөдөлмөрлөж, хичээж ажиллавал амжилт таныг хүлээж байна. Аливаа зүйлд яарах хэрэггүй. Найдвартай бүтэх тохиолдолд л хөдөл. Байр сууриа бэхжүүл. Том зүйл худалдан авч, хөрөнгө оруулалт хийхэд таагүй. Алсын аялал, томилолт амжилтгүй болно. Хайрын харилцаа сэтгэл гонсойлгоно. Таны нэр хүндэд сэв сууж магадгүй. Иймээс та өөрийн үзэл бодлыг бусдад тулгах хэрэггүй. 

МЭЛХИЙ  (6/22-7/22)   

Өөрийгөө сэргээхийг хичээ. Таны эрч хүч их сул байх тул эмчийн зөвлөснөөр ганц өдөр амрахыг бод. Ажлаа түр хойшлуулж, орондоо хэвтэж, биеэ эмчилж өнгөрүүл. Өглөөгүүр хэдэн цаг түр зуур урагшгүй байх ч сайхан өдөр болно. Зөн совин, өрөвч сэтгэл, бодитой хандах хандлага харагдана. Өнөөдөр үдээс хойш сайхан амттай хоол идэж, дэлгүүрээр хэсэж өөрт чинь тохирох шинэ загварын хувцас ирсэн эсэхийг олж мэд. Од эрхэс танд амрах, ядаргаагаа тайлах, оюун ухаанаа сэргээх, урам зориг, бие махбодоо цэнэглэхийг анхааруулж байна.

АРСЛАН (7/23-8/22)   

Өнөөдөр амралтын өдөр ч гэлээ та хувийн ажилаа хийгээд завгүй байна. Хуучин найз нөхөд, хамаатан садан эсвэл ажил хэргийн хамтрагчтайгаа уулзах нь таны санхүүгийн байдлыг бататгаж, ирээдүйн амжилтын эх үүсвэрийг тавина. Найз нөхөд болон хэлхээ холбооноос үнэтэй мэдээллүүд ирэх ба та уг мэдээллийг сонсож суралцахдаа итгэлтэй бай. Хувийн амьдралын зарим асуудлыг шийдэхэд аз тохионо. Зүүд зөнтэй байж биелэх болно. Танд мөнгөний зарцуулалтандаа анхаарахыг зөвлөж байна.

ОХИН (8/23-9/22)

Өнөөдөр та ихэнх ажлынхаа асуудлыг шийдэж чадна. Та энэ үед жаахан ч гэсэн амрах хэрэгтэй. Амралт зугаалга хийх, гадуур зугаалах, ойр дотнынхонтойгоо харьцахад тааламжтай өдөр. Сэтгэлийн бүхий л хөдлөл төгс төгөлдөр байна. Зугаа цэнгэлтэй холбоотой салбарт таны ажил амжилттай байна. Анхаарал төвлөрүүлэх шаардлагатай, чадвар хариуцлага шаардсан ажил, биеийн хүчний ажил хийхээс татгалз. Өнөөдрийн хамгийн тааламжтай нөхцөл бол ойр дотнынхонтойгоо цагийг өнгөрүүлэх байх болно.

ЖИНЛҮҮР (9/23-10/22)   

Хотоос гадагш салхинд гарч, сайхан амар. Эрүүл сэнгэнэсэн агаарт сэтгэл санаа байх нь сэтгэлд буй муу муухайг үлдэн хөөх болно. Эрч хүчтэй өдөр. Хэдийгээр хайр дурлалын харилцаа гаднаасаа ямар ч өө сэвгүй мэт харагдаж байвч үнэн хэрэгтээ маш их асуудалтай байгааг хүлээн зөвшөөр. Та хоёрын харилцаанд чухам юу нөлөөлөөд байгааг олж илрүүлж өөрсдийн байр сууриа тодорхой болго. Хайрттайгаа хамт жүжиг кино үзэхээр яв. Танайд шинэ зочин ирснээр өдөр тутмын амьдралд өөрчлөлт орно. Шинэ хувцас, тавилга худалдаж авахад таатай байна. 

ХИЛЭНЦ (10/23-11/21)   

Та гадаад үзэмжин дээрээ илүү анхаарал хандуулна. Өнөөдөр дэлгүүр хэсч хэрэгцээтэй зүйлээ худалдан ав. Од эрхэс таны хэрэгцээт захиран зарцуулалтыг ивээж байна. Гэр бүлдээ цаг гарга. Магадгүй гэнэтийн учрал таны замыг тосч байна. Гэхдээ энэ нь цаашид таны санхүүд нөлөөлөх болохыг анхааруулъя. Зарим дотны найз нөхөд тань танаас тусламж гуйна.

НУМ (11/22-12/21)

Өнөөдөр өөрийн үзэл бодлоо чөлөөтэй илэрхийлэхэд таатай өдөр байх болно. Гэхдээ юм ярихдаа болгоомжгүй үг унагахаас сэргийл. Таны хэлсэн үг өнөөдөр хүмүүст их нөлөө үзүүлэхийг бодолцож хүмүүсийн сэтгэлийг шархлуулахаас болгоомжил. Од эрхэсийн шилжилт таны хувийн амьдралд нөлөө үзүүлэх болно. Гэр бүлийн гишүүдийн хооронд зөрчил үүсгэнэ.

МАТАР (12/22-1/19)

Өнөөдөр гариг эрхсийн таатай нөлөөгөөр маш сайхан өдөр болох болно. Та үүнийг ашиглан өнөөдөр гол ажлуудаа цэгцэлж чадна. Таны мөнгө олох арга болон гаргасан санаачлагаа ажил хэрэг болгох чадвар тань бусдад сайнаар танигдахад тус болно. Хийж буй ажлынхаа оргилд нь гарахын тулд зүтгэ. Мөн та өнөөдөр ямар нэг чухал ажлын ярилцлаганд орох эсвэл цалингаа нэмүүлэх албан тушаал ахих зэрэг магадлалтай. Иймээс энэ өдөр та хичээн зүтгэснээр ямар ч ажил хийсэн гайхалтай амжилт дагуулах болно гэдэгт итгээрэй. Танд амжилт хүсье.

ХУМХ (1/20-2/18)

Явган аялал хийх нь амралтын төлөвлөгөөнд багтана. Харин хол газар аялах төлөвлөгөөгөө хэрэгжүүлэх нь тохиромжгүй бөгөөд зун хүртэл зардлаа хуримтлуул. Өнөөдөр гэрт тань амар тайван байдал хэрэгтэй тул түүнд зориулсан арга хэмжээг санаачлан хэрэгжүүл. Гадны хүний хажууд гэр бүлийн зарим нэг нууц асуудал ил болсноор та таагүй бас ичгэвтэр байдалд орж мэднэ. Тиймээс халуун дулаан уур амьсгалыг өдрийн турш хадгал. Иймэрхүү үйлдлийг хийхдээ өөртөө итгэлтэй байхыг хичээ. Харин гадуур гэр бүлээрээ зугаалвал гадны халдлагаас сэргийлж, гэр бүлдээ сайн анхаар. 

ЗАГАС (2/19-3/20)

Ирэх долоо хоногоос эхлэн идэвхийлэн ажиллахыг зөвлөж байна. Таны нууцлагдмал, хүйтэн хөндий байдал ойр дотны хүнтэй харилцах харилцаанд хүндрэлийг үүсгэнэ. Үүнийгээ засвал хайр дурлалын харилцаа энгийн тайван байх бололтой. Эрүүл мэндийн рашаанд амарч, бүтэн биеийн массаж хийлгэ. Таныг төгс илэрхийлж чадах сайн найзтайгаа дэлгүүр хэсэх аялал хий. Ханиа хайж байгаа хүмүүс насаар ахмад ч ухаалаг нэгний анхаарлыг татах ба танд эд материалын болон сэтгэл санааны дэмжлэг үзүүлэхийг санал болгоно.