1903 онд Английн баруун өмнөд хэсэгт байдаг Сомерсет мужийн ойролцоох Гоу хэмээх газраас залуухан эрэгтэй хүний араг яс олджээ. Энэхүү олдворыг Чеддар хүн гэж нэрлэсэн байна.

Чеддар хүн нь 10.000 орчим жилийн өмнө амьдарч байжээ. Энэ хүний араг яс нь бүрэн эхээрээ одоог хүртэл Лондонгийн Байгалийн түүхийн музейд хадгалагддаг байгаа юм.  Уг олдвор нь Их Британийн уугуул иргэдийнх бөгөөд хар хүрэн арьс, тод цэнхэр нүд, хар буржгар үстэй хүн байжээ. Энэхүү шинж тэмдэг нь өнөөгийн Их Британи хүний дүр төрх байсан нь ДНК-ийн шинжилгээгээр нотлогдсон аж.

Их Британийн нийслэл дэх Байгалийн түүхийн музей болон Лондонгийн их сургуулийн коллежийн мэргэжилтнүүд Чеддар хүний гавлын ясны ДНК-ийн дээжийг шалгажээ. Шинжилгээний хариуд, Чеддарын өвөг дээдэс Ойрхи Дорнодоос Европ руу цагаачилан ирсэн гэдгийг баталсан байна. Харин өнөөгийн цагаан арьст Британичуудын 10 орчим хувийг л түүний 300 дахь үе гэж шинжээчид  таамаглаж байгаа аж.

Хэдийгээр 10.000 орчим жилийн өмнө өнөөгийн Их Британи байхгүй байсан ч Английн хаант улс 1707-1800 оны үед үүссэн. Их Британи нь Чеддар хүний үед арал биш байв. Тэр үед Их Британийг Доггэрланд  (Doggerland) гэж нэрлэдэг байжээ. 

"Бид бүгд цагаачид"

Судлаачид Альфонс Кеннис (Alfons Kennis) хэлэхдээ, Чеддарын "Толгойн загварыг ахтайгаа хамт гаргасан" гэж хэлжээ. Түүнчлэн тэрээр Чеддарын үед амьдарч байсан хүмүүүс өөрсдийгөө нүүдэллэж ирсэн улсынхаа нэрээр тодорхойлдог байсан байна. Харин Чеддар "Бид бүгдээрээ цагаачид юм" гэж бичиж үлдээсэн гэдгийг онцлон хэллээ.

Чеддарын талаарх мэдээлэл нь хүмүүст сонирхолтой байдаг тул Байгалийн түүхийн музейн ажилтан Иан Барнс (Ian Barnes) түүний нүдний өнгө болон нүүрний хэлбэрийн загварыг маш онцгой харагддаг гэж хэлсэн. Мөн Чеддар нь 166 метрийн өндөр байсан бөгөөд хорин настайдаа нас баржээ.

Ийнхүү өнөөгийн Британичууд бүгд янз бүрийн цаг үед нүүдэллэж ирсэн цагаачид юм гэдгийг дээрх судалгааны үр дүн харуулж байгаа юм.

Эх сурвалж: Spiegel