НҮБ-ын энхийг сахиулах даалгаварт оролцож буй Монголын анхны эмэгтэй цагдаа
Цагдаагийг дэд хурандаа Д.Энхжаргал хэмээх энэ Монгол эмэгтэй НҮБ-ын энхийг сахиулах даалгаварт эх орноо төлөөлөн оролцож буй анхны эмэгтэй цагдаа юм. Тэрээр дэлхийн хамгийн аюултай нутгуудын нэг Өмнөд Судан үүрэг гүйцэтгэж, орон нутгийн иргэдийг аюулаас хамгаалах үйлсэд гар бие оролцож явна.
Анх 2002 онд НҮБ-ын даалгаварт цэргийн хоёр ажиглагчаа илгээж байсан манай орон өдгөө Өмнөд Судан, Сьерре-Леон зэрэг зэвсэгт мөргөлдөөн, иргэний дайны хөлд нэрвэгдсэн газар улсуудын иргэдэд хэдийнэ нэр хүндтэй болжээ.
Монголчууд гэхээр л тайвширдаг болсон нь тэдгээр бүс нутгуудад манай хүчний байгууллагынхан хэрхэн ажилласныг гэрчлэх биз ээ.
Ачааны машин дүүрэн тэсрэх бөмбөгтэй 2 амиа золиослогчийг 3-хан сумаар устгаж, 1000 гаруй цэргийн амь насыг аварч, тэдгээрийн ар гэрийнхнээс талархлыг хүлээсэн.
Өмнөд Суданд хүүхэд, эмэгтэйчүүдийг авран хамгаалж, хүүхэд төрөх гэх мэт онцгой нөхцөл байдалд ч манай цэргийнхэн барьц алдаагүй билээ.