Аяны хүрээнд Увс аймагт 400 хүн өөрийгөө цусны даралт ихсэлттэй гэдгээ анх мэджээ

Аяны хүрээнд Увс аймагт 400 хүн өөрийгөө цусны даралт ихсэлттэй гэдгээ анх мэджээ

...Баян-Өлгий аймгийн иргэн Болатынх өвлийн идшиндээ 10-аад бог, нэг үхэр, нэг адуу төхөөрдөг. Махаа ихэнхийг нь давсалж хатаагаад өвөл, хаврын турш, тэр ч байтугай бүр наадам хүртэл нөөцлөн иддэг гэнэ. Казах түмний хүндэтгэлийн зоог болох каз мөн л давс чангатайг бүгд мэднэ. Гэвч уламжлалт энэ хоол хүнс эрүүл мэндэд нь ихээхэн халтай гэдгийг Болат тархинд нь цус харвасны дараа л өөрийн биеэр ухаарчээ. Давсалж нөөшилсөн махан хүнсийг нэгэнт хэрэглээд заншсан учраас тэрээр давсыг өвчинд хүрэх эрсдэл биш гэсэн ойлголттой явсан аж. Харин давсны хэрэглээнээс үүдсэн өвчин амь насанд нь аюултай нөхцөл байдалд хүргэсний дараа л энэ дадал зуршлаа өөрчлөх талаар бодож эхэлсэн байна.

Тэгвэл Увсын Улаангомд амьдардаг Батынх чанасан махаа давсан таваг /давсыг нягтаршуулж хийсэн таваг/ дээрээ үрж амталж иддэг. Зөвхөн тэднийх ч гэлтгүй Увс нутгийнхан тэр аяараа шахам ийм өвөрмөц хэрэглээтэй. Мөн өдөр тутамдаа хэрэглэдэг цай нь багагүй давстай. Баян-Өлгий, Увстай залгаа орших Ховд аймгийн иргэдийн дунд мөн давсны хэрэглээ өндөр болохыг холбогдох байгууллагын судалгаа харуулж буй.

Гурван цагаан хорын нэг гэгддэг давсыг Дэлхийн эрүүл мэндийн байгууллага (ДЭМБ)-аас зөвлөснөөс даруй гурав дахин их хэрэглэдэг хүмүүс бол Монголын алс баруун хязгаарын иргэд. Тэр тусмаа Увс, Ховд, Баян-Өлгий аймгийнхан энэ үзүүлэлтээрээ улсдаа байтугай дэлхийд ч дээгүүр орохоор өндөрт бичигдэж явна. ДЭМБ-аас зөвлөснөөр насанд хүрсэн хүний хоногийн давсны хэрэглээ 5 гр-аас хэтрэхгүй байх ёстой. Монголчуудын дундаж хэрэглээ 11 гр бол баруун бүсэд ялангуяа Увс аймагт 13.5-15.4 гр байгааг Нийгмийн эрүүл мэндийн үндэсний төв (НЭМҮТ)-өөс 2013 онд хэвлүүлсэн, “Хүн амын давсны хэрэглээ” судалгааны тайланд дурджээ. Үүнийг тус аймгийн иргэд цайгаа давстай хэрэглэдэг зан заншилтай холбон тайлбарласан байна. Энэхүү судалгаагаар монгол хүний хоногийн хэрэглээний давсны 46.2 хувийг давстай цай, 33.5 хувийг давстай хоол, 20.3 хувийг бусад хүнсний бүтээгдэхүүн эзэлж буй нь хүн амын давсны хэрэглээний эх үүсвэр нь улс орон бүрийн хүнсний хэрэглээний уламжлалт зан заншилтай холбоотойгоор өөр өөр байдгийн тод жишээ хэмээн дүгнэжээ.

Давсыг хэтрүүлэн хэрэглэх нь цусны даралт ихсэлт, зүрхний шигдээс, тархины харвалт, ходоодны хавдар, ясны сийрэгжилт, цөс чулуужих, бөөрний чулуужилт зэрэг өвчин эмгэг үүсэх гол шалтгаан болдог бөгөөд дээрх аймгуудын хувьд дээрх өвчнүүд ялангуяа зүрх судасны өвчлөл өндөр байгаа юм.

П.Н.Шастины нэрэмжит Улсын гуравдугаар төв эмнэлэг (УГТЭ)-ийн санаачилга, ХААН Банк Сангийн санхүүжилт дэмжлэгтэйгээр НЭМҮТ-тэй хамтран уламжлал болгон зохион байгуулдаг “Цусны даралт ихсэлтийн эсрэг аян”-ыг өнөө жил баруун аймгуудад хэрэгжүүлэхээр болсон нь дээр дурдсан шалтгаан нөхцөлөөс үүдэлтэй. Өөрөөр хэлбэл, аяны хүрээнд иргэдэд урьдчилан сэргийлэх үзлэг оношилгоо хийж, давсны хэрэглээг бууруулах талаар зөвлөгөө мэдээлэл өгснөөр цусны даралт ихсэлтийг багасгаж, монголчуудын өвчлөл, нас баралтын тэргүүлэх шалтгаан болох зүрх судасны өвчнөөс сэргийлэхэд ихээхэн ач холбогдолтой хэмээн үзсэн юм.

“Цусны даралт ихсэлтийн эсрэг аян”-ыг 2017 онд анх нийслэлийн дөрвөн дүүрэгт, удаах жил буюу 2018 онд төвийн бүсийн дөрвөн аймагт амжилттай зохион байгуулж, иргэдэд үнэ төлбөргүй үзлэг оношлогоо хийж, зөвлөгөө мэдээлэл хүргэн, орон нутгийн эмч нарыг сургалтад хамруулсан байна. Энэ жилийн аян Увс аймагт 6-р сарын 21-нээс эхэлсэн бөгөөд уламжлал ёсоор УГТЭ-ийн зүрх судас, бөөр, мэдрэл, харвалтын тасгийн тэргүүлэх зэрэгтэй шилдэг эмч нараас гадна НЭМҮТ-ийн судлаач мэргэжилтнүүд, мөн аяныг санхүүжүүлэгч ХААН Банк Сангийн ажилтнуудаас бүрдсэн 12 хүний бүрэлдэхүүнтэй баг явсан юм. 

Увс аймгийн төв Улаангомын Б.Гиваан баатрын нэрэмжит талбайд 6-р сарын 22-ны өдөр “Цусны даралт ихсэлтийн эсрэг аян”-ы баруун бүс дэх нээлтийн арга хэмжээг зохион байгуулсан. Цусны даралт ихсэлттэй гэдгээ огт мэддэггүй байсан хүмүүс урьдчилан сэргийлэх үзлэгт хамрагдаж, эрсдэлээ тодорхойлуулснаар цаашид хэрхэн энэ өвчнөөс  сэргийлэх тухай мэдлэг мэдээлэлтэй болж, эрүүл мэндээ хянах боломж бүрддэг нь энэхүү аяны гол ач холбогдол юм. Өөрөөр хэлбэл, ид хийж бүтээх насандаа яваа 30 настай залуу өндөр даралттай гэдгээ анх мэдэж, амьдралын дадал хэвшлээ өөрчлөхгүй бол яваандаа тархинд нь цус харвах эрсдэлтэй гэдгийг энэ аяны үеэр санамсаргүй үзүүлээд эмчийн амнаас сонсож байхтай таарсан. Тиймээс аяны хүрээнд зүрх судасны өвчтэй, өндөр даралттай хүмүүсээс гадна аль болох хөдөлмөрийн насныхан, өөрсдийгөө эрүүл гэж бодож, тэр бүр эмнэлэг зорьж үзүүлдэггүй хүмүүсийг хамруулж, өвчилсөн хойно нь биш, өвдөөгүй байхад нь урьдчилан сэргийлэх мэдээ мэдээлэл өгөх, эрсдэлийг нь тодорхойлж, зөвлөгөө өгөхийг эмч нар чухалчилдаг юм билээ. НЭМҮТ-ийн мэргэжилтнүүд эрүүл зөв хооллолт, давсны зөв хэрэглээ, амьдралын зөв дадал хэвшлийн талаар иргэдэд маш хэрэгтэй илтгэл, танилцуулга хийж байсныг мөн онцлох нь зүйтэй.

Аяны нээлтийн урд өдөр УГТЭ-ийн эмч нар болон НЭМҮТ-ийн мэргэжилтнүүд орон нутгийн 60 эмчид зүрх судасны өвчлөлийн тоо баримт бүхий сүүлийн үеийн судалгаа, эмчилгээний орчин үеийн чиг хандлагын тухай илтгэл танилцуулж, аяны тухай удирдамж чиглэл өгсөн юм. Мэдээж хэрэг аймгийн төвийн хэмжээнд зохион байгуулж буй энэ том аяныг хотоос очсон 10 гаруйхан хүнтэй баг дангаараа хариуцаад хийхэд нүсэр том ажил. Иймд орон нутгийн эмч нарт чиглэл удирдамж, шаардлагатай мэдээлэл хангалттай өгсний үндсэн дээр иргэдийн урьдчилан сэргийлэх үзлэг оношилгоог хамтран хийдэг юм байна. Мөн аймгийн ЗДТГ, Эрүүл мэндийн газар, Нэгдсэн эмнэлгийнхэн бүх талаар тусалж дэмжиж байснаас гадна ХААН Банкны тухайн аймаг орон нутгийн салбар нэгжийн ажилтнууд зохион байгуулалтын ажилд тун идэвхтэй оролцож, аяныг үр дүнтэй болгоход хувь нэмрээ оруулж ажиллаж байлаа.  

Цусны даралт ихсэлтийн эсрэг аяны нээлтийн үеэр Увс аймгийн Засаг дарга Д.Батсайханаас сэтгэгдлийг нь сонссон юм.

Д.Батсайхан: Цаг агаарын эрс тэс байдал, давсны хэрэглээ иргэдийн эрүүл мэндэд сөргөөр нөлөөлдөг

“Манай аймаг хорт хавдрын өвчлөл, дундаж наслалтаар улсын дунджаас нэлээд хойгуур байранд явдаг. Дээр нь улаан хоолой, ходоодны хорт хавдрын өвчлөл өндөр. Бид үүнийг орон нутгийн цаг агаарын онцлог нөлөөлж байна уу гэж үздэг. Зундаа +40-45 градус халуун, өвөл цагт шөнөдөө -50-55 градус хүрч хүйтэрдэг. Цаг агаарын энэ эрс тэс ялгаа манай аймгийн иргэдийн эрүүл мэндэд сөрөг нөлөө үзүүлдэг болов уу. Дээр нь иргэдийн өөрсдөөс нь шалтгаалдаг нэг онцлог дутагдал байдаг нь давсны хэрэглээ. Увс аймаг чулуун болон нуурын давсаар баялаг. Түүнээс ч болдог уу, уламжлалт хэрэглээ нь давс ихтэй. Хамгийн наад зах нь цайндаа давс хийдэг. Ер нь Монгол Улсын хэмжээнд Увс аймгийн иргэдийн хэрэглэж байгаа давсны өдрийн норм нь өндөр байдаг. Энэ нь ялангуяа зүрх судасны өвчлөлд сөрөг нөлөө үзүүлэх магадлалтайг манай эрдэмтэд хэлдэг.

ХААН Банк компанийн нийгмийн хариуцлагын хүрээнд өмнө нь “Хавдрын эсрэг үндэсний аян”-ыг Увс аймагт хэрэгжүүлж байсан. Одоо “Цусны даралт ихсэлтийн эсрэг аян”-аа нээж байна. Энэ бол яах аргагүй ард иргэдийн тулгамдсан асуудал. Шастины нэрэмжит УГТЭ-ийн эмч нар ирж, урьдчилан сэргийлэх болон нарийвчилсан үзлэг шинжилгээ хийж буй нь Увсын ард иргэдэд маш том боломж юм. Аяныг зохион байгуулагч ХААН Банк, УГТЭ, НЭМҮТ-ийн хамт олонд баярлалаа гэж хэлье”.

Увс аймаг Улаанбаатараас 1000 гаруй км-ийн зайтай тул иргэд тэр бүр хот руу зорьж очиж эмчлүүлэх нь ховор бөгөөд УГТЭ-ийн мэргэжлийн эмч нар ирсэн сургаар үзүүлж, зөвлөгөө авах гэсэн иргэд өдөрлөгт олноороо ирсэн байлаа. Ялангуяа аяны гурав дахь өдөр аймгийн Нэгдсэн эмнэлэгт төрөлжсөн нарийн мэргэжлийн үзлэг оношилгоо хийх үеэр эмнэлэг тун хөл ихтэй байсан юм. Орон нутгийн эмч нарын хэлж буйгаар Увс аймгаас хүнд өвчтөн онгоцоор тээвэрлэхэд эмч сувилагч, ар гэрийнхэн гээд хамгийн багадаа 5-6 хүн хамт явах хэрэгтэй болдог тул зардал нь их өндөр тусдаг байна. Увсаас зориулалтын эмнэлгийн машинаар өвчтөн хот руу тээвэрлэхэд км тутам нь 2000 төгрөг буюу ирэх, очих зардалд 5.6 сая төгрөг шаардлагатай болсон тухай ч хэлж байв.

Харин “Цусны даралт ихсэлтийн эсрэг аян”-ы хүрээнд төвөөс очсон нарийн мэргэжлийн эмч нарт үзүүлснээр хот явах шаардлагагүйгээр оношоо тодруулж, чухал зөвлөгөө, мэдээллийг газар дээр нь авах боломж бүрдсэнд иргэд тун талархалтай хандаж байлаа. Аяны хүрээнд эмч нарын баг 6-р сарын 22-24-нд Увс аймагт ажиллахдаа орон нутгийн 59 эмчид сургалт зохион байгуулж, 1343 иргэнд урьдчилан сэргийлэх үзлэг хийн, 187 хүнийг нарийн мэргэжлийн үзлэг оношилгоонд хамруулжээ. Мөн эмч нар 4-5 өвчтөний оношийг тодруулж, хот руу яаралтай УГТЭ рүү шилжүүлж, эмчлүүлэх заалт бичиж өгсөн байна. Аяны бас нэг үр дүн бол урьдчилан сэргийлэх үзлэгээр Увс аймагт 400 хүн өөрийгөө цусны даралт ихсэлттэй болохоо анх олж мэдсэн байна. Олж мэднэ гэдэг бол өвчин даамжрахаас сэргийлэх боломж бүрдэнэ, даралтаа хянах мэдлэг мэдээлэлтэй болно, эмч нарын зөвлөснөөр даралт ихэсгэдэг амьдралын буруу дадал зуршлаа өөрчлөх боломжтой гэсэн үг юм.

Аяны хүрээнд эмч нарын зүгээс Увс аймгийн иргэдэд онцгойлон сануулж байсан нэг зөвлөгөө нь мэдээж хэрэг давсны хэрэглээгээ багасгах тухай байв. Хоолоо давс багатай хэрэглэхээ байг гэхэд наад зах нь цайгаа давсгүй хэрэглэхийг зөвлөсөн. Хэрвээ та ч гэсэн давс чангатай хоол иддэг бол маш олон өвчний суурь болсон амьдралын буруу энэ хэрэглээнээс бага багаар татгалзаарай. Аяны багийнхны дараагийн зогсоол Ховд, Баян-Өлгий аймаг. Удахгүй та бүхэнд энэ тухай нийтлэлийг хүргэх болно оо.

 

Та, бид цусны даралт ихсэх өвчнөөс урьдчилан сэргийлж чадна!

 

                                                                                                                                                Г.Оюунгэрэл

1
таалагдаж байна

0
таалагдахгүй байна

Холбоотой мэдээлэл Бүгдийг үзэх

Сэтгэгдэл

Уучлаарай энэ мэдээнд oдоогоор
сэтгэгдэл бичих боломжгүй байна.

Дуртай төрөл

Антибиотик үхэлд хүргэж байна!

2019-09-23

Малынхаа буяныг барж байна даа. Монголчууд минь...

2019-09-20

Хүүхэдгүй юм шиг ажиллаж, ажилгүй юм шиг хүүхдээ өсгөдөг ганц бие ээжүүд...

2019-09-19

Хотын дарга аа, нийтийн тээврийн тоогоо нэмээч!

2019-09-18

Хуримтлалтай "Монгол Мөрөөдөл"

2019-09-23

"Mn Tower"- Төвийн оффис, төлбөргүй цэцэрлэг

2019-09-23

“King Tower” – Монголын их хаад

2019-09-23

Капитрон банк “Moody’s” агентлагаар зээлжих зэрэглэлээ тогтоолголоо

2019-09-23

Он гарсаар 3628 удаагийн аюулт үзэгдэл, осол бүртгэгджээ

2019-09-23

Бохирдсон агаарыг хүчил төрөгч болгон хувиргадаг цамхаг бүтээжээ

2019-09-22

Засгийн газрын даалгавраар 110 га талбайд нөхөн сэргээлт хийжээ

2019-09-18

Аварга тосонгоос аврал эрэх хэрэггүй

2019-09-12

Амжилтанд хүрэхийн тулд та юуг “болих” ёстой вэ?

2019-09-23

Ямар хүнсний бүтээгдэхүүн хоолны хордлого үүсгэдэг вэ?

2019-09-21

Бүсээ айлд орхиж болдоггүй тухай...

2019-09-21

Худалдаж авахдаа мөнгөө хэмнэх хэрэггүй бүтээгдэхүүнүүд

2019-09-20

Жимс ногоо эрт цагт ямар харагддаг байсан бэ?

2019-09-22

Нэр бүхий эм ханган нийлүүлэх байгууллагуудын тусгай зөвшөөрлийг цуцлах санал хүргүүлнэ

2019-09-22

Сарын турш согтууруулах ундаа хэрэглэхгүй байснаар таны биед ямар өөрчлөлт гарах вэ?

2019-09-21

Томуугийн эсрэг вакциныг 40-45 мянган төгрөгөөр хувийн эмнэлэгүүдэд хийж эхэлжээ

2019-09-20

Солонгос зураачийн ахин "амьдруулсан" бүтээлүүд

2019-09-21

Б.Марал: Балетад өрсөлдөхөөс илүү өөртэйгөө тэмцэх нь чухал

2019-09-20

Оскарын шагналт "Амьдрал нулимсанд дургүй" киноны жүжигчид 40 жилийн дараа...

2019-09-19

“Хөх Тавилан” кино Флоренцийн Олон Улсын Эмэгтэй кино уран бүтээлчдийн наадамд шалгарчээ

2019-09-17

Улбар шар

2019-09-22

"Салхи хагалагч" /өгүүллэг/

2019-09-15

"Нинаг буцаасан нь" /өгүүллэг/

2019-09-01

Зохиолчдын хачиргүй яриа

2019-08-22

О.Ариунзул: Би чиний талд үргэлж бат зогсоно

2019-09-22

Алдартнуудын хамгийн үнэтэй салалтууд

2019-09-21

Дуучин Б.Амархүүг машиндаа хар тамхи хэрэглэж байхад нь баривчилжээ

2019-09-20

Дэлхийн түүхийг бичилцэж явсан хүмүүсийн үр сад хэрхэн амьдарч байна вэ?

2019-09-13

Podcast News - Танин мэдэхүй (2019.09.23)

2019-09-23

Podcast news - Цаг үе (2019.09.23)

2019-09-23

Podcast News - Танин мэдэхүй (2019.09.20)

2019-09-20

Podcast news - Цаг үе (2019.09.20)

2019-09-20

Хуучны байрнууд дах зарим хачирхалтай зүйлс ямар зориулалттай байв?

2019-09-22

Америк бүсгүй эмчилгээ хийлгээд цэнхэр цустай болжээ

2019-09-21

Персийг яагаад Иран гэж нэрлэх болсон бэ?

2019-09-21

Таны дуу хоолойноос дараах 7 зүйлийг мэдэж болно

2019-09-21

Өдөрт нэг өндөг идэх нь зүрхний өвчнөөс сэргийлдэг

2018-05-31

Дэлхийн улс орнуудын оньсого ямар байдаг вэ?

2018-05-30

Дэлгэцийн цэнхэр туяа нойргүйдэл, хорт хавдар үүсгэдэг

2018-05-30

5 сарын 27 цаг агаар: Улаанбаатарт өдөртөө 15 хэм дулаан

2018-05-27

Ц.Сандуй, А.Ганбаатар нарыг шүүнэ

2019-09-23

Хар тамхи хэрэглэсэн иргэнийг 100 мянган төгрөгөөр торгох эсвэл 7-30 хоног баривчлах хууль хэрэгжиж байна

2019-09-22

Авлигын талаар мэдээлсэн иргэний эрхийг хамгаалах эрх зүйн орчин бүрдэнэ

2019-09-22

Үндсэн хууль зөрчөөгүй гэсэн шийдвэр гаргалаа

2019-09-20

Г.Лхагвадорж: Улстөрчдийн рейтингийг тогтоох ХАМГИЙН ТОМ цахим санал асуулга үргэлжилж байна

2019-09-23

МОНГОЛ УЛСЫН ИХ ХУРЛЫН 2019 ОНЫ ЭЭЛЖИТ БУС ЧУУЛГАН: Хэлэлцэх асуудал, хуваарь

2019-09-23

Ард нийтийн санал асуулга МАН-ын тулгалт уу, ард нийтийн сонголт уу?

2019-09-23

Ирэх долоо хоногт УИХ-аар хэлэлцэх асуудлууд

2019-09-22

“Монгол Улсын Олборлох салбарын сургалтын цахим портал”-ыг аравдугаар сараас ашиглалтад оруулна

2019-09-17

УИХ-ын дарга Г.Занданшатар Монголын Оюун Ухааны Академийн сурагчидтай уулзалт хийлээ

2019-09-17

“Говийн чоно-2019” олон улсын дадлага сургуульд 21 орны 500 гаруй төлөөлөгч оролцож байна

2019-09-16

Мансарданд үйл ажиллагаа явуулж байгаа “Билгүүн номч” сургуулийг шалгаж байна

2019-09-11

Эцэггүй өсөх нь хүүхдийн сэтгэл зүйд хэрхэн нөлөөлдөг вэ?

2019-09-13

Цэцэрлэг болон сургуулийн насны хүүхдүүдтэй ээжүүдэд хандан хэлэхэд...

2019-09-12

Хүүхдээ өмөөрснөөр та хүмүүжилд нь муугаар нөлөөлнө

2019-09-11

Хурим хийхээсээ өмнө заавал асуух 11 асуулт

2019-09-08

Булган аймгийн иргэд хууль бус уул, уурхайн үйл ажиллагааг зогсоож буйг дэмжив

2019-09-23

Монгол Улсын Ерөнхий сайд У.Хүрэлсүх Эрдэнэт үйлдвэрт зочиллоо

2019-09-23

Олборлолт хийж байсан 125 техник, бусад тоног төхөөрөмжийг буулгуулав

2019-09-21

Архангай аймагт алт олборлож байсан аж ахуйн нэгжүүд 110 га-д нөхөн сэргээлт хийжээ

2019-09-20

Иран эмэгтэйчүүд хөл бөмбөгийн тэмцээн үзэх эрхтэй болно

2019-09-23

Тэдэнд "Токио-2020" ойрхон байна

2019-09-23

Монголын уран сайхны гимнастикчид ДАШТ-д анх удаа оролцлоо

2019-09-23

Э.Цэндбаатар ДАШТ-ий хүрэл медаль хүртэнэ

2019-09-21

Дэлхийн интернэтийн VI их хурал нээлтээ хийлээ

2019-09-20

Компьютерээ хэрхэн вирустүүлэхгүй байх вэ?

2019-09-19

"Windows 10"-ийн шинэчлэлт хийсэн комьпютерүүд интернетэд холбогдох боломжгүй болжээ

2019-09-18

"Google" компани шинэ ухаалаг утсаа ирэх сарын 15-нд танилцуулна

2019-09-18

АНУ-ын 6 мужид эмэгтэйчүүдийг цээж нүцгэн явахыг зөвшөөрчээ

2019-09-23

Хятад улс төрийн албан хаагчдаа "Алибаба" зэрэг 100 хувийн компани руу илгээнэ

2019-09-23

Ирэх оноос Украйн улс гадаадын иргэдэд газар эзэмшүүлнэ

2019-09-23

Хятад Орос улстай бүх салбарт харилцаагаа өргөжүүлнэ гэв

2019-09-23

Алдаж үз, залуус аа!

2019-09-23

Хариугаа авсан гэрээслэл

2019-09-23

Ногооны хороор мөнгө угаахуй

2019-09-22

Судлаач Д.Ганхуяг: Монголчуудын "онолдох" өвчин ба сонгууль...

2019-09-22

"Босоо Хѳх Монгол" бүлгэмийн тэргүүн Г.Ганхуяг: Сэлэнгэ аймагт Монгол хүн ундны усаа хятадуудаас худалдаж авдаг болсон байна

2019-09-20
4:48

Одоо болон ирээдүйд хамгийн эрэлт хэрэгцээтэй МЭРГЭЖИЛ юу байх вэ?

2019-09-20

Н.Өнөрцэцэг: Ц.Гарамжав гишүүнтэй холбоотой хөдлөшгүй баримтууд байна

2019-09-18

"Ам нээвэл" нэвтрүүлгээр Х.Тэмүүжин УИХ-ын болон ерөнхийлөгчийн зөрчилдөөнийг ингэж шүүмжлэв

2019-09-18

Ван Баодун: Гурван орны бизнес эрхлэгчид 187 төслийг хэлэлцсэн

2019-09-23

Баялгийн сан бол Үндсэн хуулийн өөрчлөлтийн гялайх ганц заалт

2019-09-20

Бүртгэл, санхүү, эдийн засгийн ажилтны улсын зөвлөгөөн эхэллээ

2019-09-19

Тэтгэвэр барьцаалсан зээлийн хугацааг бүх банканд адил 24 хүртэл сар болгох чиглэл өгчээ

2019-09-19

Нэрт зургийн эзэн Бүтэмдаа охин 21 нас хүрчээ

2019-09-22

"Ариун" Ганга мөрөн аврал эрж байна... (Фото төсөл)

2019-09-20

Элдэв зураг (80 фото) №626

2019-09-20

Берлин хотыг хоёр хуваасан нь... (Фото түүх)

2019-09-16

Байгалийн түүхийн музейн барилгыг буулгах тендер зарлагдлаа

2019-09-23

Америкийн иргэн "Алтай таван богд" ууланд сураггүй алга болжээ

2019-09-23

Ч.Чинбат: Замын хөдөлгөөнд оролцохдоо явган зорчигч руу ус цацвал 100 мянган төгрөгөөр торгох хуулийн заалт бий

2019-09-23

Амралтын өдрүүдэд зам тээврийн ослоор гурван иргэн амь насаа алджээ

2019-09-23

Санал асуулга Бүгдийг үзэх

Владимир Путин (ОХУ)
66.86%
Ши Жиньпин (БНХАУ)
15.85%
Дональд Трамп (АНУ)
4.76%
Шинзо Абэ (Япон)
3.39%
Ангела Меркель (ХБНГУ)
2.87%
Ким Жон Ун (БНАСАУ)
2.67%
Режеп Тайип Эрдоган (Турк)
1.04%
Беньямин Нетаньяху (Израиль)
0.91%
Нарендра Моди (Энэтхэг)
0.72%
Эммануэль Макрон (Франц)
0.33%
Хаан Салман (Саудын Араб)
0.33%
Тереза Мэй (Их Британи)
0.26%

Хамгийн чанартай боловсрол олгодог их дээд сургууль аль нь вэ?

1,449

Одоогийн улстөрчдөөс хэн нь биднийг зөв зам руу удирдах вэ?

6,245

Утааг багасгахын тулд хамгийн түрүүнд юу хийх ёстой вэ?

1,368

Амьдрахад хамгийн таатай хотхон аль нь вэ?

2,301