Францын нэгэн сүмийн номлогч уйлж буй бяцхан хүүг алгаджээ. Эцэг эх нь хүүг адислуулахаар авчирсан аж. Гэвч хүү уйлахаа болихгүй байсан тул номлогч уурлан хүүг зүүн гараараа алгадсан байна. Алгадсаны дараа хүү илүү чангаар уйлж эхэлсэн бөгөөд хүүгийн аав түүнийг ламаас хүчээр холдуулан авч байгааг доорх бичлэгээс үзнэ үү.
Номлогч хүүгийн уйлах дуунаас давж чангаар захирсан өнгө аястай ярьж "Тайвшир, тайвшир" хэмээн хэлж байсан юм. Уг бичлэг интернэтэд тавигдсанаас хойш олон хүний бухимдлыг хүргэжээ. Тэд "Хүү биш номлогч өөрөө тайвшрах ёстой юм шиг байна", "Би байсан бол түүнийг цохих байсан юм", "Хүүгийн аав түүнийг цохиж байгаагаар бичлэг дууссан бол төгс байх байлаа", "Энэ бичлэгийг үзээд маш их уур хүрлээ. Хэрэв би түүний ээж байсан бол шууд хүүгээ татаж аван номлогчийг алгадах байсан юм" гэж сэтгэгдлээ үлдээсэн байна.