Ямар хүнийг амжилттай хүн гэх вэ? Амжилтад хүрэхийн тулд юу хийх ёстой вэ? Зарим хүн их мөнгөтэй болбол амжилтад хүрнэ хэмээн боддог. Харин тэрбумтнууд үүнийг хэтэвчний зузаантай холбож тайлбарладаггүй аж. Тиймээс олон тэрбум ам.долларын хөрөнгөтэй эрхмүүд амжилтын талаар өөрсдийн бодлоо хуваалцсаныг уншигч та бүхэнд орчуулан хүргэе.

1 "Harpo Studios"-ийн захирал Опра Уинфри (Oprah Winfrey)

"Хамгийн гол нь амжилтад хүрэх талаар өдөржин шөнөжин бодож санаа зовохгүй байх хэрэгтэй. Харин ач холбогдолтой, чухал зүйлсийн төлөө ажилла" гэж гурван тэрбум ам.долларын хөрөнгөтэй телевизийн алдарт хөтлөгч зөвлөжээ.

2 Америкийн кино найруулагч, продюсер, кино зохиолч Стивен Спилберг (Steven Spielberg)

"Би мөнгөнд сонирхолгүй хүн. Амжилт дагаж мөнгө ирдэг. Гэхдээ энэ нь миний зорилго биш. Ингэж хэлэхэд хүмүүс надад итгэдэггүй" гэж 3.6 тэрбум ам.долларын хөрөнгөтэй кино найруулагч хэлсэн байна. 

3 Гоо сайхны бүтээгдэхүүн үйлдвэрлэдэг "Paul Mitchell" компанийг үүсгэн байгуулагч Жонн Пол Дежориа (John Paul DeJoria)

"Хэн ч хараагүй байхад та ажлаа хэр чанартай хийсэн бэ? гэдгийн үнэлгээ бол амжилт юм" гэж 3.3 тэрбум ам.долларын хөрөнгөтэй бизнесмен хэлжээ. 

4 "Tesla" компанийн захирал Элон Маск (Elon Musk)

"Далайн эрэг дээр хийх юмгүй амарч хэвтэнэ гэдэг миний хувьд хар дарсан зүүд. Би галзуурч ч магадгүй шүү. Би завгүй амьдрах дуртай" гэж 20 тэрбум ам.долларын хөрөнгөтэй Элон Маск ярьж байв.

5 АНУ-ын нэрт бизнесмэн Марк Кубан (Mark Cuban)

"Миний хувьд амжилт гэдэг бол өглөө босоод тэр өдөр сайхан болохыг мэдэрч инээмсэглэх юм" гэж 3.4 тэрбум ам.долларын хөрөнгөтэй бизнесмэн нэгэн ярилцлагадаа дурдаж байжээ. 

6 АНУ-ын дотуур хувцасны "Spanx" компанийн үүсгэн байгуулагч Сара Блэйкэли (Sara Blakely)

"Бүтэлгүйтэл бол хангалттай сайн хичээгээгүй байна гэсэн үг" гэж 1.1 тэрбум ам.долларын хөрөнгөтэй энэ эмэгтэй хэлсэн байна. 

7 “Microsoft”-ыг үүсгэн байгуулагч Билл Гейтс (Bill Gates)

"Амжилт бол өөдгүй багш. Тэр хэзээ ч алдаж болохгүй гэсэн бодлыг хүмүүст суулгаж өгдөг" гэж 93.4 тэрбум ам.долларын хөрөнгөтэй эрхэм зөвлөсөн аж.

8 АНУ-ын бизнесмен Леонард Лаудэр (Leonard Lauder)

"Та таны төлөө ажиллаж буй ажилчидтайгаа адил амжилттай яваа" гэж арьс арчилгааны бүтээгдэхүүн үйлдвэрлэдэг "The Estee Lauder Companies, Inc"-ийн өмнөх захирал, 14.4 тэрбум ам.долларын хөрөнгөтэй эрхэм хэлжээ.

9 Английн бизнесмэн, "Virgin" группийг үүсгэн байгуулагч Ричард Брэнсон (Richard Branson)

"Амжилтын талаар миний бодол гэж үү? Хийж байгаа зүйлдээ илүү сэтгэл гаргаж хийвэл та амжилтыг мэдрэх болно" гэж таван тэрбумын хөрөнгөтэй бизнесмэн ярьжээ. 

10 АНУ-ын "TBS" болон "CNN" телевизүүдийг үүсгэн байгуулсан Тед Тёрнер (Ted Turner)

"Хүнтэй зөв боловсон харьцдаг, өөрт байгаа бүх зүйлээ ажилдаа зориулдаг хүн амжилтад хүрээгүй тохиолдлыг би мэдэхгүй" гэж хэвлэл мэдээллийн салбарын нөлөө бүхий эрхэм хэлсэн байна. Тэр 2.2 тэрбум ам.долларын хөрөнгөтэй аж.