Дасгал хөдөлгөөн бол өөрийнхөө төлөө хийж чадах хамгийн сайн зүйлийн нэг юм.  Дасгал хийх нь хорт хавдар, өвчин эмгэгээс урьдчилан сэргийлж биеэ эрүүл байлгах хамгийн чухал дадал зуршил билээ. Дасгалыг өдөр тутам хийх хэцүү ч таныг эрүүл чийрэг байх хамгийн чухал хүчин зүйл яахын аргагүй мөн. Ялангуяа спортоор хичээллэдэггүй хүмүүс бол өдөртөө богино хугацаанд дасгал хөдөлгөөн хийх хэрэгтэй. 

Одоо та бүхэнд амьдралынхаа хэвшил болгох 5 зүйлийн жагсаалтад юу орсон талаар танилцуулъя.

1 Өдөр тутмынхаа цагийн хуваарийг гарга

Та ажил болон гэртээ байх цагийн хуваарийнхаа төлөвлөгөөг нарийвчлан гаргах хэрэгтэй. Ингэснээр та өөртөө зориулагдсан бүхий л цаг хугацааг үр бүтээлтэй өнгөрөөж чадна. Дээрх цагийн хуваарийн төлөвлөгөөг хэрэгжүүлэхийн тулд магадгүй та надад дасгал хийх зав чөлөө байхгүй хэлж магадгүй. Зав чөлөөгүй ажилтай гэх байх. Гэвч та төлөвлөгөө гаргаснаар амьдралд тань ямар чухал зүйл болох, үр бүтээлтэй өдрийг өнгөрүүлэхэд тань ямар ач тустай болохыг мэдрэх болно.

2 Өглөө бүр дасгал хий

Яагаад заавал өглөө дасгал хийх хэрэгтэй гэж та бодож болох юм. Яагаад гэж үү? Хүн өглөө дасгал хөдөлгөөн хийснээр эрч хүчийг биедээ хуримтлуулна. Мөн эрт дасгал хийх нь өөртөө сэтгэл дундуур эсвэл урам зориггүй хүмүүст өөрийгөө ялан дийлэх нэг арга болдог. Түүнчлэн та өглөөд гадуур гүйхэд танаас мөнгө эсвэл ямар нэгэн зүйл нэхэхгүй болохоор юу ч саад болохгүй гэсэн үг.

Жишээлбэл, ажлын дараа болон ажил дундуур дасгал хийхэд хэцүү байна. Та ажлын цагаараа дасгал хиймээр байдаг ч тухайн өдрийн цагийн хуваарьт төлөвлөөгүй гэнэтийн ажил гарч болзошгүй учир өдөр болон оройн цагаар дасгал хийхэд тохиромжгүй юм. Иймд өглөөд дасгал хөдөлгөөнөө тогтмол хийж хэвшээрэй. Таны биед эрч хүч, энерги хуримтлагдана.

3 Маргаашдаа бэлэн байхын тулд өмнөх өдөр бэлтгэх

Та маргаашийн ажилдаа бэлэн байхын тулд өмнөх орой нь ажил болон дасгалын хувцсаа зэхэж тавиарай. Өглөө ажилдаа явахаасаа өмнө цай ундаа заавал ууж хэвшээрэй. Мөн маргаашийн ажлаа ч мөн төлөвлөх хэрэгтэй. Ингэснээр маргааш хийх зүйлсийнхээ цаг хуваарийг оновчтой бөгөөд хялбар болгож буй хэрэг. Ингэж бүгдийг нарийн төлөвлөснөөр та цагаа хэмнэх болно.

4 Ямар ч зүйл хийж эхэлсэн цагт үр дүнгээ өгдөг

Магадгүй та хэт их ядраад маргааш дасгалаа хийхгүй ажил, хичээлдээ шууд явна гэж бодоод унтаж болох ч зөвхөн өөртөө зориулан 10 минутын зав гаргаснаар та эрүүл амьдрах горимд орно гэдгийг санаарай. Хүн 10 минутанд идэвхтэй дасгал хөдөлгөөн хийхэд тийм ч сайн үр дүнтэй гэж бодохгүй. Гэхдээ нэг удаа дасгал хийгээд эрүүл чийрэг болохгүй ч нэг өдрийн 10 минутыг өөртөө зарцуулахад өмнө дасгал хийдэггүй байсан таны биед өөрчлөлт гарна. Иймд аливаа зүйл тэр дороо үр дүнгээ өгөхгүй ч цаг хугацааны явцад үр дүнгээ өгдөг гэдгийг мэдэх хэрэгтэй.

5 Өөрийн биед тааламжтай байгаа дасгал хий

Таны хийж байгаа дасгал ямар мэдрэмж өгч байна вэ гэдэг хамгийн чухал. Хэрвээ та өөртөө таалагдахгүй байгаа дасгал хийгээд байвал таны биед үр дүн гарахгүй. 

Иймээс та өөртөө тааламжтай, биедээ тохирсон, ачаалал багатай, дуртай дасгал хөдөлгөөнөө хийвэл таны сэтгэл санаа болоод бие махбодид өөрчлөлт орно. Түүнчлэн өөрийнхөө дуртай  зүйлээ хийж түүнтэйгээ хамт үлдэх хэрэгтэй.

Та магадгүй би хөгширсөн, энэхүү дасгалын дадал хэвшлийг хийхэд хэтэрхий оройтсон гэж бодож байна уу? Хэрвээ тийм бол та андуурч байна. Үүнийг хийхэд цаг хугацаа л таныг хүлээж буй хэрэг. Өнөөдрөөс эхэлж, эрүүл мэнддээ хөрөнгө оруулаарай.